طريقة الإستيراد من الصين إلى مصر
طريقة الإستيراد من الصين إلى مصر
بعد الاستفسارات الكتير الى جتالى من ناس كتير حابه تشتغل فى الاستيراد من الصين لمنتجات كتير احب اوضح لكم الطريقة بالتفاصيل للمبتدائين وربنا يوفق الجميع.
1 _حدد المنتج جيدا وادرس مواصفاته جيدا ( هناك مفيش حاجة اسمها ضمير )2- اتصل بالمصنع المنتج او الشركة الموزعة فى الصين واعرف اخبار اكتر عن مكانهم وعن الاوردر اللى انت ناوى تعمله بالكميات .. ( هيحسبولك السعر شامل الشحن وشامل كل شئ)3- راجع التعريفة الجمركية وتأكد ان المنتج دا مش ممنوع دخوله مصر او محظور او فيه توكيل ليه فى مصر لانه لو كدا مش هيفرجو عن المنتج دا من الجمرك وخصوصا بعد لجان الجودة اللى بقت تفحص كل شئ دلوقتى وخصوصا واردات الصين 4- لك الخيار ان تسافر او لا ... لو هتسافر هيكلفك الموضوع فى حدود 6 الاف جنيه لمدة اسبوع تقريبا شاملة الطيران والاقامة هناك ( فى فنادق رخيصة بس انت ابحث عنها ) ولو انت مش هتعرف تتعامل معاهم هناك ممكن تاخد مترجم صيني معاك من هنا وده مش هياخد منك غير اجر الترجمة ولا ليه عموله ولا اى حاجة فقط اجر الترجمة ودى بتبقى حاجة بسيطه بالنسبه للنسبه الى بتخدها شركات الاستيراد والتصدير منك. ..... لو مش هتسافر فالاضمن ليك انك تروح شركة استيراد وتكون معروفة وكبيرة وشغالة بقالها فترة كبيرة فى مصر وتديهم كل البيانات وهما هيعملو كل حاجة ويجيبولك البضاعة لحد مخزنك او بيتك والعمولة بتكون فى حدود من 5-10 % من ثمن البضاعة.
بالتوفيق المجال جميل وزى ما احنا شايفين حجم التجارة مع الصين من المؤشرات المعتمدة الدولية.
 |
| طريقة الإستيراد من الصين إلى مصر |
No comments:
Post a Comment